Il Premi Democrazia 2018 da la Nova Societad Helvetica (NSH) vul undrar projects che promovan - en il rom da process participativs en scola, vischnanca u en la societad civila - sin plaun local e regiunal la chapientscha per las furmas da participaziun d'ina democrazia sco er la furmaziun politica. Ils projects avisads duain cuntegnair in element facultativ, betg obligatori. Il Premi Democrazia vul dar impuls per sviluppar enavant experiments, projects ed iniziativas innovativas e cumprovadas en vischnancas, el vul far enconuschents quels en l'entira Svizra e preschentar els sco exempels dad imitar. Ils megliers projects vegnan distinguids cun premis en la valur totala da 10'000 francs.
La publicaziun dal Premi Democrazia 2018 da la NSH succeda en stretga collavuraziun cun l'Associaziun da las vischnancas svizras (AVS) che vul promover la participaziun da las vischnancas cun ses project „in comune“.

Image: Shutterstock

La concurrenza vegn fatga enconuschenta da l'Associaziun da las vischnancas svizras (AVS) per newsletter ed en la revista „Schweizer Gemeinde“, matg 2018. Sia publicaziun vegn messa sin la pagina d'internet da la Nova Societad Helvetica NSH: www.nhg.ch e da la AVS: www.chgemeinden.ch.

Las vischnancas dattan enavant las indicaziuns davart la concurrenza als responsabels da project tenor cifra 2, cun copia a la NSH (CC Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.).

Ils projects èn d’inoltrar a la NSH per e-mail cun ina suletta agiunta en format pdf enfin ils 31 d'avust 2018.

Concurrenza