L’uniun Nova Societad Helvetica vul rinforzar la coesiun naziunala, promovend l’encletga vicendaivla, formulond finamiras che favuriseschian l’identitad e gidian a schliar problems relevants da noss pajais, saja quai a l’intern u areguard las relaziuns cun l’ester. La NSH, per cuntanscher sias finamiras, sa sprova d’agir en duas direcziuns:

  • Ella favurisescha il dialog tranter ils differents secturs demografics da la Svizra, cunzunt las cuminanzas linguisticas, las generaziuns, ils partenaris socials, las populaziuns urbanas e ruralas, ils umans cun passaport svizzer e quels ch’èn immigrads tar nus;

  • La NSH fa part da las discussiuns davart las sfidas e dumondas che dattan da patratgar al pajais ed a la glieud, saja quai sin stgalim intern u areguard la posiziun e responsabladad internaziunala da la Svizra. La NSH vul gidar a dar respostas.

Unsere Statuten (tudestg)