La NSH-SS deriva da la fusiun, da Bumaun 2007, da la Nova Societad Helvetica (NSH) e da Scuntrada Svizra.

La NSH è naschida 1914, gist avant l’emprima guerra mundiala, cur che divergenzas d’opiniun tranter Romands ed Alemans periclitavan la pasch interna dal pajais. Ils fundaturs levan suandar l’exempel da la Societad helvetica (1761-1858) ch’aveva gidà a rinforzar la coesiun naziunala ed a crear il stadi federal 1848.

La SS è naschida 1945, suenter la fin da la segunda guerra mundiala, cun la finamira da rinforzar la coesiun dal pajais amez in’Europa turbulenta. 1999 ha’la fusiunà cun „Agir pour demain“, organisaziun pli giuvna, surpigliond il num da „Rencontres suisses – Treffpunkt Schweiz“ (per rumantsch „Scuntrada Svizra“).